රාවණගේ දඬුමොනර තාක්ෂණයෙන් කාලතරණය කළ හිට්ලර් ?

 

                                        කාලතරණය කියන්නේ හඳ ගමන වගේම මිනිසා බොහොම කාලයක ඉඳලා දකින සිහිනයක්.මේ පිළිබඳව විවිධ මත , තොරතුරු අහන්න ලැබුණත් අපි දන්න විදිහට නම් තවමත් කාලතරණය කරන්න පුළුවන් විදිහේ යන්ත්‍රයක් නිර්මාණය වෙලා නැහැ.නමුත් අති විශාල රහස් ප්‍රමාණයක් සඟවා ගෙන ඉන්න ඇමරිකානු රජය මේවනවිටත් කාලතරණය කළ හැකි තාක්ෂණයක් සොයාගෙන තිබෙන බවත් ඔවුන් එය භාවිත කර ඇති බවටත් වර්තමානය වනවිට තොරතුරු අනාවරණය වෙලා තිබෙනවා.

                                  ඒ වගේම නාසි හමුදාව අතීත පෙරදිග තාක්ෂණික දැනුම භාවිත කරමින් කාලතරණය කළ හැකි යන්ත්‍රයක් නිර්මාණය කළ බව පැවසුවහොත් ඔබ විශ්වාස කරනවාද?නාසි හමුදාව ඉතාමත් රහසිගත තාක්ෂණික උපකරණයක් නිර්මාණය කළ බව මුලින්ම ලෝකයට හෙළි කර තිබෙන්නේ " ඉගෝර් විට්කොවිස්කි " නම් පෝලන්ත ජාතික මාධ්‍යවේදියකු විසිනුයි." ද ඩයික්ලෝර්ක් " නමින් හඳුන්වා තිබෙන මෙහි ජර්මානු අර්ථය " නාසි සීනුව " යන්නයි.සැබැවින්ම මෙය සීනුවක හැඩයට නිර්මාණය කළ උපකරණයක්.සීනු හැඩයේ උපකරණයක් නිසා මෙය කිසිවිටකත් යානයක් ලෙස සඳහන් කිරීමේ හැකියාවක් නැහැ.
                                   මෙම නාසි බෙල් ව්‍යාපෘතිය භාරව කටයුතු කොට තිබෙන්නේ හිට්ලර්ට ඉතාමත් සමීප , විශ්වාසවන්ත පුද්ගලයකු වන " ජෙනරල් ජාකොබ් " නම් පුද්ගලයකුයි.වාර්තා වන ආකාරයට මෙම යන්ත්‍රයට බලය ලබා දී තිබෙන්නේ රසදිය මගින් පණගැන්වෙන එංජිමක් ආධාරයෙනුයි.අතීතයේ දඬුමොනර යානයෙන් අහසින් ගිය බව කියවෙන රාවණගේ පෙරදිග විමාන තාක්ෂණයට මෙය අතිශයින්ම සමානකමක් දක්වනවා.කෙසේවෙතත් මේ සඳහා පෙරදිග විහාරස්ථානවලින් රැගෙන ආ පුරාණ පුස්කොළ පොත්වල සඳහන් වූ විමාන තාක්ෂණය උපයෝගී කරගෙන තිබෙන බවනම් ප්‍රසිද්ධ රහසක්.
                                   මෙසේ කාලතරණය කළ හැකි යන්ත්‍රයක් නිපදවූ බවට විශාල තොරතුරු ප්‍රමාණයක් නැතත් විවිධ මත සහ සැක කටයුතු ස්ථානයන් පිළිබඳව තොරතුරු වාර්තා වනවා.පෝලන්තයේ වෙන්ස්ලස් නම් දුෂ්කර ගම්මානයේ එක්තරා ස්ථානයක අද්භූත පෙනුමක් තිබෙන මෙවැනි ඉදිකිරීමක් දක්නට ලැබෙනවා.මෙතන තිබෙන්නේ කොන්ක්‍රීට්වලින් කළ රාමුවක් පමණයි." ද හෙන්ච් " විදිහට හඳුන්වන මෙය අතීත නාසි හමුදාව නාසිබෙල් යන්ත්‍රය නිර්මාණය කළ ස්ථානය බවට සැලකෙනවා.නමුත් ඇතැම් පිරිස් නම් පවසන්නේ මෙය පැරණි ගල් අඟුරු බලාගාරයක සිසිලන කුළුණක නටඹුන් කියලයි.
                                 නාසිබෙල් ව්‍යාපෘතියේ අවසාන අදියර සනිටුහන් කරමින් 1945 දී නාසි හමුදාවේ " V2 " මිසයිල වැඩසටහන භාරව සිටි SS ජෙනරල් " හාන්ස් කම්ලර් " නාසිබෙල් ව්‍යාපෘතිය සමඟ එක්ව තිබෙනවා.එහිදී ඔහු මෙම නාසිබෙල් යන්ත්‍රය රහසිගතව ගුවන් යානයක් මගින් දකුණු ඇමරිකාවට ප්‍රවාහනය කළ බව සඳහන් වෙනවා.ඒ වගේම ඔවුන් මෙහි අත්හදා බැලීම් කිහිපයක්ම අයිස් සහිත පාලු ඇන්ටාක්ටිකා ප්‍රදේශයේදී සිදු කළ බවත් වාර්තා වෙනවා.කෙසේවෙතත් රහසිගත භූගත බංකරයක නිර්මාණය කෙරුණු නාසි බෙල් යන්ත්‍රය ඉවතට ගත් වහාම එම ව්‍යාපෘතිය භාරව කටයුතු කළ විද්‍යාඥයන් 60කට අධික ප්‍රමාණයක් ජෙනරල් හාන්ස් කම්ලර්ගේ අණ පරිදි ඝාතනයට ලක්කර තිබෙන්නේ එම රහස සදාකාලිකවම රැක ගැනීමේ අරමුණ සහිතවයි.
                                 යුධමය පරාජයත් සමඟ විවිධ විදෙස් හමුදාවන් ජර්මනිය ආක්‍රමණය කළත් කිසිවෙකුටත් මෙම නාසිබෙල් යන්ත්‍රය සොයා ගැනීමට හැකියාව ලැබී නැහැ.එපමණක් නොවෙයි නාසිබෙල් යන්ත්‍රත් සමඟම අවසන් කාලයේදී එම ව්‍යාපෘතිය භාරව කටයුතු කළ ජෙනරල් හාන්ස් කම්ලර් පිළිබඳවත් කිසිඳු හෝඩුවාවක් ලැබී නැහැ.
                                   මෙවන් විවිධ මත පැතිරෙමින් තිබෙන අතරතුර 1965 දී පෙන්සිල්වේනියාවේ කෙක්ස්බර්ග් ප්‍රදේශයට හඳුනා නොගත් සීනු හැඩයේ යානයක් කඩා වැටෙනවා.ඇසින් දුටුවන් පවසා තිබුණේ එහි නාසි හමුදා ලාංඡනය සටහන්වී තිබූ බවයි.ඉන් අනතුරුව නැවතත් 2008 වසරේදීත් මේ ආකාරයේම යානාවක් පිළිබඳව කැලිෆෝනියාවේ නීඩ්ල්ස් ප්‍රදේශයෙන් වාර්තා වෙනවා.එසේනම් නාසි හමුදාවන් කාලතරණය කළ හැකි යන්ත්‍රයක් සැබැවින්ම නිර්මාණය කළාද?නාසි හමුදාව කියන්නේ ඒ කාලයට සාපේක්ෂව ඉතා දියුණු තාක්ෂණික උපකරණ සහ අවි ආයුධ නිර්මාණය කළ බොහොම රහස් ප්‍රමාණයක් සඟවාගත් කණ්ඩායමක්.ඉතින් ඔවුන් නිවැරදිව කාලතරණ යන්ත්‍රයක් නිර්මාණය කළාද?යුධමය පරාජය හමුවේ හිට්ලර් අනාගතයට නැත්නම් සමාන්තර ලෝකයකට පැන ගියාද?

පළිඟු පාෂාණයෙන් නිමවූ අරුම පුදුම හිස්කබල් පරිගනකය

 

                                      ලෝකය පුරා වෙසෙන සෑම පුද්ගලයකුම පාහේ තමන්ගේ ජීවිතයේ විවිධ සිදුවීම්වලට , අවස්ථාවලට හේතුවූ නොයෙකුත් ආකාරයේ සිහිවටන තමා සන්තකයේ තබා ගැනීම බොහොම සාමාන්‍යය සිදුවීමක්.නමුත් මිනිස් හිස්කබලක් වගේ දෙයක් සිහිවටනයක් විදිහට නැතිනම් පරිගනකයක් විදිහට යොදා ගනීවිද?සිහියට නැගෙන විටත් ඇඟ කිළිපොලා ගියත් අද ලිපිය තුළින් තොරතුරු රැගෙන එන්නේ වර්තමානයේ පවතින තාක්ෂණයෙන් පවා නිර්මාණය කළ නොහැකි බවට සනාථ කළ ඈත අතීතයේ නිර්මාණය කළ පළිඟු මිනිස් හිස්කබල් කිහිපයක් පිළිබඳවයි.

                                      1924 දිනක බෙලීස් ප්‍රදේශයේ ලුබාන්ටුන්හි පුරාණ මායා ශිෂ්ටාචාරයට අයත් පිරමීඩයක් ගවේෂණය කරමින් සිටින අතරතුර " ඇනා හෙජර්මිස්ට " සහ " ෆෙඩ්‍රික් මිචෙල්ට " නොසිතූ ආකාරයේ වස්තුවක් හමු වනවා.මිනිස් හිස් කබලට ඉතාම සමාන අයුරින් නිර්මාණය කොට තිබූ මෙය මිනිස් හිසක ප්‍රමාණයට බෙහෙවින් සමානයි.ඇදහිය නොහැකි තරම් නිවැරදිව සාමාන්‍යය මිනිස් හිස්කබලක පවතින සියළු අංගෝපාංග සහිතව මෙය නිමවා තිබුණා.මෙම හිස්කබල කපාල සහ ඉහළ හනුවත් , චලනය කළ හැකි සහ ඉවත් කළ හැකි පහළ හනුවත් එකම පළිඟු කුට්ටියකින් තනා තිබීම තවත් විශේෂත්වයක්.රාත්තල් 11.7ක් බරැති මෙය අඟල් 5ක උසකිනුත් , අඟල් 7ක දිගකින් සහ අඟල් 5ක පළලින් යුක්ත වනවා.කෙසේවෙතත් මෙහි කුඩා බවත් කැපී පෙනෙන තවත් ලක්ෂණත් හේතුවෙන් කාන්තා හිස්කබලක් නිරූපණය වන බව පැවසෙන මෙය " මායා කෙන්ඩි " ගෝත්‍රිකයන් " ඩූම් හිස්කබල " නමින් හඳුන්වා තිබෙනවා.
                                එවකට 17වියැති වූ ඇනා මෙය තම පවුලේ වස්තුවක් ලෙස සන්තකයේ තබා ගැනීම නිසා මේ පිළිබඳව වඩාත් නිවැරදි තාක්ෂණික තහවුරු කිරීමක් සිදු වී තිබුණේ නැහැ.මේ නිසාම 70 දශකය වනවිට මෙය ව්‍යාජ හිස් කබලක් බවට මත පලවීමට පටන් ගැනුණා.මේ නිසාම ඇනා මෙය විද්‍යාත්මකව සනාථ කිරීමට එවකට ලොව සිටි දක්ෂතම පළිඟු තාක්ෂණික පරීක්ෂකයා වූ " Frank Dorland " වෙත ලබා දෙනවා.එහි ප්‍රතිඵලයක් ලෙස " පැෆාර්ඩ් පරීක්ෂණාගාරය " තුළදී එවකට ලොව තිබූ සියළු අධිතාක්ෂණික ක්‍රමවේද භාවිතයෙන් පරීක්ෂණට බඳුන් වූ මෙම හිස් කබල ලෝකයාගෙන් සැඟවී තිබූ තවත් තොරතුරු රැසක් අනාවරණය කරනවා.
                                    එහිදී සොයා ගන්නා ආකාරයට මෙම පළිඟු පාෂාණයේ අන්තර්ගතය " Piezoelectric Silicon Dioxide " වලින් සැකසී තිබෙනවා.මෙය වර්තමාන පරිගනකවල " Microchip "  නිපදවීමට යොදා ගන්නා වර්ගයක්.මෙම හිස්කබල ධන හා සෘණ විද්‍යුත් ආරෝපණයක් ඇති කර ගනිමින් ක්‍රියාත්මක වන බවත් ඔවුන් පවසනවා.එපමණක් නොව මෙම පුදුම සහගත නිර්මාණයේ අක්ෂිවලට පිටුපසින් මිනිස් ඇසක ආලෝක පරාවර්තනයට උපකාර වන ප්‍රිස්මාකාර නිර්මාණයක් පවතින බවත් ඒ හරහා ගමන් කරන දෘශ්‍ය කිරණ මගින් එකී විද්‍යුත් ආරෝපණ නිර්මාණය කරන බවත් සොයා ගන්නවා.
                                කෙසේවෙතත් ඩූම්ගේ හිස්කබල ප්‍රසිද්ධියට පත්වීමෙන් අනතුරුව එම ප්‍රදේශයට ආසන්නතම ප්‍රදේශ කිහිපයකින් විවිධ පළිඟු ගලින් නිමවූ තවත් මිනිස් හිස්කබල් 13ක් සොයා ගැනෙනවා.කෙසේවෙතත් ලෝකයේ නොවිසඳුණු අබිරහස් ගොන්නෙහි තම නාමයත් සටහන් කළ ඩූම් හිස්කබල අවසානයේ දී බ්‍රිතාන්‍ය කෞතුකාගාරයට උරුම වී තිබෙනවා.
                                 බොහෝදෙනාගේ මතය අනුව සැබැවින්ම මේවා මායා වැනි අතීතයේ පැවති බවට සැලකෙන දියුණු , බුද්ධිමත් ශිෂ්ටාචාර පරිගනක ලෙස භාවිත කළ ඒවාද?තවමත්  Microchip වැනි කුඩා උපකරණයක දත්ත ගබඩා කරන අපිට මෙම හිස්කබල තුළ ගැබ් වුණ අති විශාල තොරතුරු ගබඩාව ලබා ගැනීමට හැකි තාක්ෂණික දැනුමක් කවදා නම් ලැබේවිද?

ගමන් කරමින් තිබූ ගුවන් යානයෙන් අතුරුදන් වූ මිනිසා

 

                                     ලෝකයේ විවිධ ව්‍යාපාර , වත්කම් ආදිය හේතුවෙන් විශාල ධනයක් උපයා ගත් පිරිස් කොතෙකුත් සිටිනවා.නමුත් ධනවත් බවේ හිනිපෙත්තටම පැමිණ සිට පසුව නොසිතූ ලෙස බංකොලොත් බවට පත් වුණු පිරිස් වගේම ඒ නිසාම ජීවිතයෙන් වන්දි ගෙවූ පිරිසුත් සිටිනවා.අද ලිපිය තුළින් අපි කතා කරන්න බලාපොරොත්තු වෙන්නෙත් එවන් වාසනාවන්ත අවාසනාවන්තයෙක් ගැනයි.

                                      " ඇල්ෆ්‍රඩ් ලෙනාඩ් ලෝවෙන්ස්ටයින් " නම් මොහු එක්දහස් නවසිය විසි ගණන්වල වත්කම් ප්‍රමාණය අතින් ලෝකයේ තුන්වන ස්ථානය හිමි කරගෙන සිටි ධනවතෙක්.විදුලිබල සහ කෘතිම සේද ව්‍යාපාරවලට ආයෝජනය කිරීමෙන් අති විශාල මුදලක් උපයා ගෙන සිටි ඔහුගේ එකල වත්කම පවුම් මිලියන 12ක් පමණ වී තිබුණා.මෙය වර්තමාන වටිනාකම අනුව පවුම් මිලියන 770 ඉක්මවා යනවා.බෙල්ජියම් ජාතික ධන කුවේරයකු වන මොහු 1926 දී " ඉන්ටර්නැෂනල් හෝල්ඩින්ස් ඇන්ඩ් ඉන්වෙස්ට්මන්ට් ලිමිටඩ් " නමින් ආයතනයක් පිහිටුවනවා.

                             නිරන්තර තම දියුණුව පිළිබඳව සිතන ඇල්ෆ්‍රඩ් මේ අතර බ්‍රසීල සමාගමක් වන " බාසිලෝනා ට්‍රැක්ෂන් " සහ කැනේඩියානු සමාගමක් වන " ලයිට් ඇන්ඩ් පවර් " නම් සමාගම් මිලට ගැනීමටත් උත්සාහ කරනවා.නමුත් කිසියම් වූ හේතුවක් නිසා ඔහුගේ එම උත්සාහය අසාර්ථක වී යනවා.ඒත් සමඟම මොහුගේ ව්‍යාපාරවල ජනප්‍රියත්වයත් අඩු වීමට පටන් ගන්නවා.
                            මෙවන් කාලවකවානුවක් තුළ 1928 වසරේ ජූලි 04 වන දින ඔහු යම් ව්‍යාපාර කටයුත්තක් වෙනුවෙන් එංගලන්තයට පැමිණෙනවා.එය අවසන් කළ ඔහු ක්‍රොයිඩන් (Croydon) ගුවන් තොටුපලේ නවතා තිබෙන තම පෞද්ගලික ගුවන් යානයක් වන " ෆෝර්කර් F7 " ගුවන් යානය වෙත පැමිණෙනවා.නැවතත් බෙල්ජියමට යාමට සූදානම්ව තිබෙන මෙම ගුවන් යානයේ ඇල්ෆ්‍රඩ්ට අමතරව තවත් හය දෙනෙකු සිටියා.යානය ඉතාමත් සාමාන්‍යය විදිහට ගුවන්ගත වී බෙල්ජියම වෙත පියාසර කරමින් තිබුණා.
                                   යානය අඩි 4000ක උසකින් පියාසර කරමින් තිබෙන අතර එක්වරම සිය අසුනින් නැගී සිටින ඇල්ෆ්‍රඩ් යානයේ පිටුපස කොටසේ තිබෙන වැසිකිලියට ගොස් තිබෙනවා.වැසිකිලියට ගොස් මිනිත්තු 10ක් පමණ ගතවී ගියත් ඇල්ෆ්‍රඩ් නැවත පැමිණියේ නැහැ.ඇල්ෆ්‍රඩ්  ගැන අවදානයෙන් සිටි ඔහුගේ පෞද්ගලික ලේකම්වරයා වුණ " ආතර් හොස්ටන් " සහ ඇල්ෆ්‍රඩ්ගේ විශ්වාසවන්තම සේවකයා වුණ " ෆ්‍රෙඩ් බැස්ටර් " වැසිකිලියේ දොරට තට්ටු කළත් ඉන් කිසිඳු ශබ්දයක් හෝ ප්‍රතිචාරයක් ලැබී නැහැ.පසුව කිසියම් කරදරයක් වී ඇතැයි සිතන ඔවුන් දෙදෙනා වැසිකිලියේ දොර කඩා එයට ඇතුළු වී තිබෙනවා.
                                  ඔවුන් දෙදෙනා පුදුමයෙන් මුසපත් කරමින් එහි තිබුණේ කිසිවකුගෙන් තොරවූ හිස් වැසිකිලිය පමණයි.කිසිම හෝඩුවාවක් නොතබා අඩි 4000ක් ඉහළ අහසේ ගමන් කරමින් තිබූ ගුවන් යානයෙන් ඉතාමත් අබිරහස් ලෙස ඇල්ෆ්‍රඩ් අතුරුදන් වී තිබුණා.හිටිහැටියේ සිදු වුණ මේ අතුරුදන් වීම ගැන ඔවුන් යානයේ නියමුවකු වන " ඩොනල්ඩ් කෘ " හට දැනුම් දෙනවා.කිසිවක් සිතා ගැනීමට නොහැකි නිසා මේ පිළිබඳව වැඩිදුර සොයා බැලීමේ අරමුණින් ඔවුන් වහාම ගුවන් යානය වෙරළ තීරය ආසන්නයෙන් ගොඩබස්වනවා.
                                  ඔවුන් විසින් ගුවන් යානය ගොඩබැස්වූ ස්ථානය අසල හමුදා කඳවුරක් පිහිටා තිබීම නිසා තම කඳවුර ආසන්නයට අවසරයකින් තොරව හදිසියේ ගොඩබස්වන ලද යානය පිළිබඳව සොයා බැලීමට නිළධාරීන් පිරිසක් පැමිණෙනවා.ගොඩබස්වන ලද කාරණය පිළිබඳව විමසා සිටියත් මුලින් කිසිඳු සත්‍ය තොරතුරක් නොපවසන ඇල්ෆ්‍රඩ්ගේ කණ්ඩායම පසුව තමන්ට මුහුණ දීමට සිදුවූ අද්භූත සිදුවීම ගැන නිළධාරීන්ට පවසනවා.ඔවුන් විසිනුත් යානය සෝදිසි කර බැලුවත් ඔවුන්ටත් කිසිම සාක්ෂියක් සොයා ගැනීමට හැකි වන්නේ නැහැ.වැසිකිලිය තුළ තිබෙන ජනේලයක් රහිත දොර පිළිබඳව ඔවුන්ගේ අවධානය යොමු වුණත් එය විවෘත කළ බවටත් කිසිඳු සාක්ෂියක් හමුවන්නේ නැහැ.
                                    කෙසේවෙතත් ඇල්ෆ්‍රඩ්ගේ ව්‍යාපාර මේවනවිට කඩා වැටෙමින් තිබුණ නිසා ඔහුගේ ව්‍යාපාර වෙනුවෙන් මුදල් ආයෝජනය කළ ඇතැම් ධනවතුන්ට ලැබිය යුතු ලාභාංශ ගෙවීම පැහැරහැර තිබුණා.මේ හේතුවෙන් ඔහුට මරණ තර්ජන පවා තිබූ බව වාර්තා වී තිබෙනවා.මේ නිසාම ඇල්ෆ්‍රඩ්ගේ අතුරුදන් වීම ගැන මුළු ලෝකයේම අවධානය යොමු වෙනවා.අතුරුදන් වීම සිදුවී දින 19කට පසුව ධීවරයකුට මුහුදු වෙරළකට ගොඩගසා තිබූ මිනිස් මළ සිරුරක් හමුවනවා.පවුලේ ඥාතීන්ටවත් හඳුනා ගැනීමට නොහැකි අන්දමින් විකෘති වී තිබුණ සිරුරේ ඇඳුම් පැළඳුම් සහ අත්ඔරලෝසුව ආදාරයෙන් එය ඇල්ෆ්‍රඩ්ගේ මළ සිරුර විය හැකි බවට අනුමාන කෙරෙනවා.පශ්චාත් මරණ පරීක්ෂණයට අනුව ජලයට වැටෙන විටත් ඇල්ෆ්‍රඩ් ජීවතුන් අතර සිට ඇති බවත් ඔහුගේ හිස්කබල අර්ධ වශයෙන් කැඩී බිඳී ඇති අතර තවත් අස්ථි කිහිපයකුත් බිඳී ඇති බව වාර්තා වනවා.
                                  මේ පිළිබඳව විවිධ මත ඉදිරිපත්ව තිබෙනවා.හදිසි පිටවීමේ දොරටුව විවෘත වී ඇල්ෆ්‍රඩ් ඉන් ඇද වැටෙන්නට ඇතැයි මතයක් පළ වුණත් එය කිසිවිටෙකත් තනි පුද්ගලයකුට විවෘත කළ නොහැකි නිසාත් විවෘත කළහොත් නියමු කුටියට සංඥා මගින් දැනුම් දීමක් සිදුවන නිසාත් එම මතය බැහැර කිරීමට සිදුවනවා.ඇල්ෆ්‍රඩ්ගේ ලේකම්වරයා සහ විශ්වාසවන්තම සේවකයා වෙනත් අයකුගෙන් මුදල් ලබා ගෙන ඇල්ෆ්‍රඩ් ගුවන්‍ යානයෙන් පිටතට දමන්නට ඇති බවටත් ඔවුන්ගේ සහයෙන් වෙනත් ප්‍රදේශයක රහසේ ජීවත් වන බවටත් මත පල වුණා.තමන්ගේ බංකොලොත් බව නිසා පලා යාමට ඇති ඉඩකඩ වැඩි වුවත් මේ කිසිවකට අදටත් පැහැදිලි පිළිතුරක් නම් නැහැ.තවමත් සැබෑවටම ඇල්ෆ්‍රඩ් මුහුණදුන් සිදුවීම දන්නේ ඔහුම පමණයි.

අහඹු ලෙස කැමරාවට හසුවූ අද්භූත ජීවීන්

                                       පෘථිවිය කියන්නේ අපි හිතනවටත් වඩා බොහොමයක් අබිරහස්වලින් පිරුණු ස්ථානයක්.හරිහැටි පැහැදිලි කළ නොහැකි වුණත් එවන් අබිරහස් ජීවීන් , සිදුවීම් පිළිබඳව වෙනදාටත් වඩා වාර්තා වෙන්න නිතරම අපේ අතේ රැඳෙන කැමරාව හේතු වෙලා තිබෙනවා.අද ලිපිය තුළින් අපි කියන්නේ එවන් අහඹු අවස්ථාවලදී කැමරාවල සටහන් වුණ අද්භූත අබිරහස් ජීවීන් කිහිප දෙනෙකු පිළිබඳවයි.
                                මුලින්ම අපි කතා කරන්නේ මුහුද මැද බොරතෙල් ගොඩට ගන්න තැනක හිටපු පිරිසක් පටිගත කළ දර්ශණයක් ගැන.එක්තරා දිනක් බ්‍රිතාන්‍යයට අයත් තෙල් පිරිපහදුවක පුද්ගලයන් කිහිප දෙනෙක් සුපුරුදු විදිහට තමන් අවට මුහුදු ප්‍රදේශය රූගත කරමින් ඉන්න අවස්ථාවේ හරි අමුතු ජීවියෙක් කැමරාව ඉදිරියට එනවා.කිසිම හැඩයක් නැති තුනී සිල්ක් රෙද්දක් වගේ මේ සත්වයා ඔවුන් මීට පෙර කිසිම දිනක දැක තිබුණේ නැහැ.ඒ නිසාම මුලින් මොවුන් හිතන්නේ මේ මියගිය තල්මසෙකුගේ ශරීරයෙන් ඉතිරි වුණ කොටසක් කියලයි.ටික වේලාවක් මේ විදිහට ඒ ස්ථානයේ කැරකෙමින් හිටපු මේ සත්වයා ටික වේලාවකින් ඈතට පිහිනා ගිහින් තියනවා.කොහොම වුණත් විද්‍යාඥයන් නම් මේ තියෙන්නේ තල්මසෙකුගේ ශරීරයෙන් ඉතිරි වුණ කොටසක් නෙවෙයි කියලා තහවුරු කරලා තිබුණා.නමුත් අදටත් මේ සත්වයා කවුද කියලා කියන්න කිසිවකුටත් හැකියාවක් ලැබිලා නැහැ.
                             2015 වසරේ චීනයෙන් තමයි මීලඟ සිදුවීම වාර්තා වෙලා තිබෙන්නේ.චීනයේ ෂෙං ෂෙං කියන නගරයට අපවහන කාණු පද්ධතියක වැඩ කරමින් සිටිය මිනිසුන් පිරිසකට අද්භූත සත්වයෙක් හමුවී තිබුණා.ශරීරයේ එකම රෝම කූපයක්වත් නැති මේ සත්වයාගේ පාදවල ඉතාමත් දිග නියපොතු තිබුණා.මේ සත්වයා දැකලා පුදුමයට පත් වුණ මිනිස්සු ඒ සත්වයා අල්ලලා කූඩු කරලත් තිබෙනවා.පසුව චීනය පුරා පැතිරුණු මේ සිදුවීම ගැන මත පළ කරන ඇතැම් පිරිස් කියන්නේ මේ ඉන්නේ අතීතයේ ජලය ආශ්‍රිතව ජීවත් වෙනවා කියලා සැලකුණ රාක්ෂ සත්වයෙක් කියල කිව්වත් තවත් පිරිසක් නම් කියන්නේ මේ ඉන්නේ අපිරිසිදු ජලයේ සිටීම නිසා ලොම් හැලුණු වලස් පැටියෙක් කියලයි.
                                  චීනයේ බීජිං නගරයෙන් මේවගේම තවත් සිදුවීමක් වාර්තාවනවා.මිනිසුන්ට පැහැදිලි කරන්න බැරි අබිරහස් විශාල ජීවියෙක් නගරයට ඈතින් ගමන් කරමින් සිටින ආකාරය මේ වීඩීයෝ දර්ශණවල පටිගත වී තිබෙනවා.මේ සත්වයාගේ හරිම පෙනුම , පාද ගණන පැහැදිලිව නොපෙනුනත් මෙයා කිසිම කලබලයක් නැතිව බොහොම සන්සුන්ව ගමන් කරන ආකාරයක් තමයි දකින්න ලැබෙන්නේ.චීන රජය මේ සත්වයා ගැන දැනගෙන හෙලිකොප්ටර් කිහිපයක්ම මේ සතා නිරීක්ෂණය කරන්න යොදවලා තියන විදිහ පවා වීඩියෝවේ පටිගත වෙලා තිබෙන නිසා මේක බොරුවක් කියලා ඉවත දමන්න හැකියාවක් නැහැ.අවසානයේ මේක අන්තර්ජාලයට යොමු කරපු පුද්ගලයා කියන විදිහට චීන රජය මේ සත්වයාගේ සිදුවීම වාර්තා කිරීම මාධ්‍ය ආයතනවලට තහනම් කලා වගේම සමාජ මාධ්‍යවල තිබුණ වීඩියෝ පවා ඉවත් කරලා තිබෙනවා.මොහු ඊට පෙර මෙම වීඩියෝ දර්ශණ චීනයෙන් පිට පුද්ගලයකුට ලබා දී ඔහු මාර්ගයෙන් අන්තර්ජාලයට යොමු කල නිසා මෙම දර්ශණ තවමත් අන්තර්ජාලය තුල දැක ගන්න ලැබෙන බව තමයි ඔහු වැඩිදුරටත් පවසා තිබෙන්නේ.මේ සත්වයා පිළිබඳව තොරතුරු චීන රජය ලෝකයාගෙන් සඟවන්නේ ඇයි?
                                  එක්තරා පුද්ගලයෙක් තමන්ගේ ප්‍රදේශයට ඈතින් එන දරුණු අකුණු සහිත සුළි කුණාටුවක් රූගත කරමින් සින අතරතුර නොසිතූ ආකාරයේ අද්භූත රුවක් අහසින් මතු වුණා.අහම්බෙන් අහසේ එක් ස්ථානයක දීප්තිමත් ඇස් දෙකක් වගේ ආලෝකයක් නොනැවතී එක දිගටම දැල්විලා තිබුණා.මුලින්ම මේක ගුවන් යානයක ආලෝකයක් කියලා හිතුවත් ඊලඟට ඇති වුණ අකුණෙන් ප්‍රදේශයම ආලෝකමත් වුණත් මේ ස්ථානය විතරක් අමුතුම පෙනුමක් තියන විශාල ජීවියෙක්ගේ වගේ ඡායාවක් ඉතිරි වෙලා තිබුණා.මුලින් ඔහු දැකපු දීප්තිමත් ආලෝකයන් දෙක ඒ සත්වයාගේ ඇස් විදිහට නොනැවතී ආලෝකමත් වුණා.ඇත්තටම මෙහෙම පෙනුමක් නිර්මාණය වුණේ කොහොමද?
                               කුණාටුවක් අතරතුර තමයි මේ අහඹු සිදුවීමත් පටිගත වෙලා තිබෙන්නේ.කුණාටුවක් අතරතුර ඉතාමත් අවදානම් තත්ත්වයක තම වාහනය පදවමින් සිටි රියදුරෙක් පාළුවට ගිය ප්‍රදේශයකදී අබිරහස් යෝධ සත්වයකු දකිනවා.ගොට්සිලා චිත්‍රපටය සිහිගන්වන අක්‍රමවත් කකුල් 06න් යුතු මේ විශාල සත්වයා ඇවිදගෙන යන විදිහත් එවිට අඬු වැනි ශරීරයේ පිටුපසින් තිබෙන කොටස් චලනය වන ආකාරයත් පැහැදිලිවම පටිගත වෙලා තිබුණා.
                                සැබෑවටම මේ සතුන් කවුද? මෙතරම් විශාල ජීවීන් මෙතෙක් කාලයක් සැඟව සිටියේ කොහේද?නැතිනම් මේ සියල්ලක්ම යම් යම් පුද්ගලයන් විවිධ අරමුණු වෙනුවෙන් නිර්මාණය කරන ලද ඒවාද?අප වෙසෙන ලෝකය තුළ අප හඳුනා නොගත් මෙවන් අබිරහස් අද්භූත ජීවීන් තවත් කොතරම් නම් ඇතිද?

සංඥා ක්‍රියා විරහිත වන අද්භූත නිහඬ කලාපය

 

                                      ලෝකය පුරා විවිධ විශමතාවයන් සහිත ප්‍රදේශ රැසක්ම දක්නට ලැබෙනවා.කාන්තාර , සාගර , ගොඩබිම් අතර පවා සාමාන්‍යය තත්ත්වයන් ඉක්මවා ගිය අසාමාන්‍ය , අද්භූත සිදුවීම් වාර්තාවන ස්ථාන පිළිබඳවත් වාර්තාවනවා.බර්මියුඩා ත්‍රිකෝණය , ඇලස්කා ත්‍රිකෝණය වගේම අද්භූත සිදුවීම් වාර්තා වන මේ ප්‍රදේශය මෙක්සිකෝව තුළ පිහිටා තිබෙනවා.

                                එක්දහස් නවසිය තිස් ගණන්වලදී තමයි මුලින්ම මේ ස්ථානය පිළිබඳව අවධානය යොමු වෙලා තිබෙන්නේ.දිනක් " ෆ්‍රැන්සිස්කෝ සරබියා " මෙක්සිකෝවේ කාන්තාර ප්‍රදේශයකට ඉහළින් තම ගුවන් යානය පියාසර කරවමින් සිටියා.අනපේක්ෂිත අවස්ථාවක යානයේ උපකරණ මාපක අසාමාන්‍ය විදිහට ක්‍රියා කිරීමටත් විදුලි උපකරණ සියල්ල ක්‍රියා විරහිත වීමටත් පටන් ගන්නවා.උදාවූ අවස්ථාවට අනුව ඔහුට කළ හැකි එකම දෙය යානය හදිසි ගොඩබැස්වීමක් පමණයි.ඔහු මෙලෙස ගොඩබසින්නේ " The Zone Of Silence " නමින් හඳුන්වන අද්භූත නිහඬ කලාපයටයි.
                                 මෙම අද්භූත කලාපය මෙක්සිකෝවේ සෙබෙල්ලෝ (Ceballos) සිට සැතැපුම් 25ක් දුරින් , ටෙක්සාස්වල එල්පැසෝ (Elpaso) සිට දකුණු දෙසට සැතැපුම් 400ක දුරකින් කාන්තාර ප්‍රදේශයක පිහිටා තිබෙනවා.1964දී ඇමරිකානු රජය සතු සමාගමක් වන ෆෙමෙක්ස් සමාගම උතුරු මෙක්සිකෝව දක්වා තෙල් නලයක් ඉදි කිරීමට ඇති හැකියාව අධ්‍යනය කිරීමට " හැරී ඩෙලෆීනියා " නම් ඉන්ජිනේරුවකු යවා තිබුණා.නමුත් කණ්ඩායම අතර රේඩියෝ පණිවිඩ හුවමාරුවට ඇති වුණ බාධාවන් නිසා එම ගවේෂණයට බාධාවන් ඇති වුණා.රේඩියෝ සංඥා ක්‍රියා විරහිත වන මේ ප්‍රදේශයට " නිහඬ කලාපය " ලෙස නම් ලබා දෙන්නෙත් හැරී විසිනුයි.දැඩි කුතුහලය නිසාම ඔහු තම ව්‍යාපෘතිය අවසන් වීමෙන් පසුවත් එම ප්‍රදේශයට පැමිණ තොරතුරු සොයා බැලීමට කටයුතු කරනවා.එහිදී ගුවන්විදුලි සංඥා ක්‍රියා විරහිත වන ස්ථාන සිතියම් ගත කිරීමට උත්සාහ දැරුවත් එම ස්ථාන සෑම තැනකටම සැරිසරන නිසා එම කටයුත්තත් අපහසුවනවා.
                                  නමුත් මේ නිහඬ කලාපයේ සංඥා ක්‍රියා විරහිත වීමට අමතරව තවත් අබිරහස්වලින් පිරී තිබෙනවා.ඒ අතර ප්‍රධාන තැනක් ගන්නේ මේ කලාපයේ දක්නට ලැබෙන බව පවසන පිරිමි පුද්ගලයන් දෙදෙනා සහ කාන්තාවයි.වාර්තා වන ආකාරයට මෙම පුද්ගලයන් දකින සෑම අවස්ථාවකම කාන්තාරයට කිසිසේත්ම නොගැලපෙන ඇඳුම්වලින් තමයි සැරසී සිටින්නේ.බොහොම ආචාරශීලී ඉතාම ප්‍රියමනාප මොවුන් තිදෙනා චතුර ලෙස ස්පාඤ්ඤ භාෂාව කතා කරනවා.මොවුන්ගේ ගමන් මාර්ගය සහ අවශ්‍යතාවය සෑමවිකම සමානවනවා.නිරන්තරයෙන්ම එකම ගොවිපළක් වෙත යන මොවුන් සෑම අවස්ථාවකම කරන්නේ බෝතලයකට ජලය පුරවා ගැනීම පමණයි.කෙසේවෙතත් දිනක් ගොවිපලේ සේවකයෙක් මොවුන් පැමිණෙන්නේ කොහේ සිටදැයි විමසූ විටක ඔවුන් සිනාසී  ඉහලින් බව පවසා තිබෙනවා.එසේනම් මොවුන් වෙනත් ලෝකයකින් පැමිණි ජීවීන් පිරිසක්ද?
                                      1975 වසරේ ඔක්තෝබර් මාසයේදී " අර්නස්ටෝ " සහ " ජොසෆිනා ඩයස් " නම් ෆොසිල ගවේෂකයන් දෙදෙනෙක් දුර්ලභ , අසාමාන්‍ය පාෂාණ සාම්පල එකතු කිරීමට මෙම ප්‍රදේශයට පැමිණෙනවා.නමුත් අපේක්ෂා නොකළ ආකාරයට දැඩි වැසි කුණාටුවකට මුහුණ දීමට ඔවුන්ට සිදුවනවා.මොහොතක් පාවා දරුණු අතට හැරෙන කුණාටුවෙන් බේරීමට හැකි උපරිම වේගයෙන් ගමන් කලත් කුණාටුව හේතුවෙන් වගුරක් බවට පත් වුණු කාන්තාරයේ එක් ස්ථානයක මෝටර් රථයේ රෝදය එරෙනවා.මෝටර් රථය තුළ භීතියෙන් තැති ගෙන සිටින මොවුන්ට මොහොතකින් තමන් දෙසට ඇවිදගෙන එන මිනිසුන් දෙදෙනෙක් දකින්නට ලැබෙනවා.මුලදී දෘෂ්ටි මායාවක් යැයි සිතුවත් කහ පැහැති වැහිකබා සහ හිස් වැසුම් පැළඳ සිටි මොවුන් දෘෂ්ටි මායාවක් නොවන බව මොවුන් පසුව වටහා ගන්නවා.
                                     කෙසේවෙතත් අවසානයේ මොවුන් දෙදෙනාගේ උපකාරයෙන් මෝටර් රථය එම ස්ථානයෙන් ඉවත් කොට ගෙන ආරක්ෂිත ස්ථානයකට රැගෙන යාමට යුවල සමත්වනවා.නමුත් රථය එරුණු ස්ථානයෙන් ඉවතට ගෙන තමන්ට උපකාර කිරීමට පැමිණි පුද්ගලයන්ට ස්තූති කිරීමට මෝටර් රථයෙන් බැස එන අර්නස්ටෝ හට එම පුද්ගලයන් පෙනෙන මානයකවත් දැක ගැනීමට ලැබෙන්නේ නම් නැහැ.එතරම් සුළු මොහොතකින් මිනිසුන් දෙදෙනෙක් පෙනෙන තෙක්මානයකවත් නොමැති වුණේ ඔවුන් අතුරුදන් වුණාද?
                                  නිරන්තරයෙන් උල්කාපාත පවා කඩා වැටෙන මෙම අද්භූත නිහඬ කලාපය කිලෝමීටර් 50ක වපසරියකින් යුතු භූමි ප්‍රදේශයක් පුරා පැතිර පවතිනවා.1970 ජූලි 11 එක්සත් ජනපදයේ ග්‍රීන් රිවර් ගුවන් හමුදා කඳවුරේ සිට ඉහළ වායු ගෝලීය තත්ත්වයන් නිරීක්ෂණයට යවන චන්ද්‍රිකා රොකට්ටුවක් පවා පාලනයෙන් ගිලිහී මෙම කලාපයට කඩා වැටී තිබෙනවා.මෙය මෙක්සිකෝවේ වයිට් සෑන් ප්‍රදේශයට ගොඩබැස්වීමට නියමිතව තිබුණත් බාහිර බලවේගයකින් ඇදගත් ආකාරයට නිහඬ කලාපයට ඇදී යනවා.මෙක්සිකෝවේ අවසරය මත සුන්බුන් සෙවීමට පැමිණියත් සන්නිවේදන සබඳතා බිඳවැටීම නිසා එම පරීක්ෂණයන් පවා අඩාල වනවා.මෙය යානයේ දෝෂයක්ද?අහඹු සිදුවීමක්ද?
                                      නිශ්චිත නිගමනයක් නොමැති මෙම තත්ත්වය පිළිබඳව විද්‍යාඥයන් පළ කරන මත අතර වඩාත් පිළිගත හැකි මතයක් ලෙස මෙම කලාපයේ පොළව අභ්‍යන්තරයේ ඇති සුවිශේෂී ඛණිජවල බලපෑම දැක්විය හැකියි.නමුත් මේ අතර මෙය සංචාරක ආකර්ෂණය වෙනුවෙන් ගොතන ලද නාගරික පුරාවෘත්තයක් බව පවසන පිරිසකුත් සංඥා අවහිර වන්නේ ප්‍රදේශය වටා ඇති කඳු පන්ති හේතුවෙන් බව පවසන පිරිසකුත් සිටිනවා.කෙසේවෙතත් වර්තමානයේ පවා ඉතිහාසඥයන් මෙම කලාපය පුරාවට විසිරී පවතින ෆොසිල තුළින් මෙහි අතීතය , අද්භූත සිදුවීම්වලට හේතූන් සොයමින් සිටිනවා.නමුත් තවමත් මෙය විසඳා ගැනීමට නොහැකි අබිරහස් ගොන්න අතරට එක් වුණ තවත් සිදුවීමක් පමණයි.

කුරිරු ඝාතනයක් සිදුකර අතුරුදන් වූ ඝාතකයා

 

                                        ලෝකය තුළ විවිධ හේතු නිසා මිනීමැරුම් සිදු වෙනවා.ඇතැම් මිනීමැරුම් වැඩි කාලවේලාවක් ගත වීමට පෙර විසඳුනත් තවත් ඒවා විසඳීමට වසර ගණන් ගතවන අවස්ථාවනුත් දක්නට ලැබෙනවා.කෙසේවෙතත් ඇතැම් විටෙක දැකීම තබා අසාගෙන සිටීමට පවා නොහැකි ආකාරයට ම්ලේච්ඡ අයුරින් සිදු කළ මිනීමැරුම්වල වරදකරුවන් ලෝකයෙන් අතුරුදන්වූ ආකාරයට සැඟවී යනවා.අද ලිපිය තුළින් අපි කතා කරන්නේත් මෙතෙක් විසඳා ගැනීමට නොහැකි වූ එවන් අබිරහස් මිනීමැරුමක් පිළිබඳවයි.

                                  1947 වසරේ ඇමරිකාවෙන් තමයි මේ සිදුවීම වාර්තාවන්නේ.උදෑසන කාලයේ තමන්ගේ දියණියත් සමඟ ඇවිදීමට ගිය එක්තරා කාන්තාවකට අමුතු යමක් දක්නට ලැබී තිබෙනවා.දුර සිට නිරීක්ෂණය වන මෙය සාමාන්‍යයෙන් කඩසාප්පුවල ඇඳුම් ප්‍රදර්ශනයට යොදා ගන්නා ඩමියක් ආකාරයේ බෝනික්කෙක් විදිහට ඇය දැක තිබෙනවා.නමුත් ආසන්නයට පැමිණ බලනවිට මේ අසාමාන්‍ය සුදකින් යුතුව දක්නට ලැබී තිබෙන්නේ බෝනික්කු නොව මියගිය සාමාන්‍යය කාන්තාවක් බව ඇය අවබෝධ කොට ගන්නවා.
                                  ඇය තවත් භීතියට පත් කරමින් මෙම මළ සිරුර තිබිලා තියෙන්නේ ඉන ප්‍රදේශයෙන් වෙන් වෙලා කොටස් දෙකක් විදිහට.අත් දෙක උඩට ඔසවා ගත්ත විදිහට තිබුණ මේ කාන්තාවගේ සිරුරේ කට දෙපැත්තෙන් කන ලගට වෙනකන්ම කපලා තිබුණා වගේම ඇඟ හැම තැනකම දරුණු කැපුම් දක්නට ලැබිලා තියනවා.ඇස් දෙකත් එලියට පැනලා තිබුණ මේ භයානක දර්ශණයෙන් දැඩි තැතිගැන්මට පත්වන ඇය කෙසේහෝ ඉක්මනින්ම පොලිසිය දැනුවත් කිරීමට කටයුතු කර තිබෙනවා.
                                පොළිසිය පැමිණ සිදු කළ පරීක්ෂණ සහ පශ්චාත් මරණ පරීක්ෂණයෙන් ඇඟ කිලිපොලා යන තවත් කරුණු රාශියක්ම අනාවරණය කර ගැනීමට හැකි වෙනවා.එහිදී සොයාගෙන තිබෙන විදිහට ඇයට මේ හැම දෙයක්ම ඝාතකයා සිදු කරලා තියෙන්නේ ඇය පණ පිටින් සිටිනවිට බව සොයා ගැනෙනවා.කෙසේවෙතත් ඝාතකයා ඇගේ සිරුරෙන් සියලුම ලේ එළියට ගෙන තිබීම තමයි මළ සිරුරේ අසාමාන්‍ය සුදු පැහැයට හේතුවෙලා තිබුණේ.මෙතරම් අසීමිත වේදනාවන් කන්දරාවක් උසුලපු මේ අවාසනාවන්ත තරුණිය මිය යන්න අධික රුධිර වහනය වගේම යකඩ පොල්ලකින් හිසට එල්ල කළ දැඩි පහරකුත් හේතුවෙලා තිබෙන බව පශ්චාත් මරණ පරීක්ෂණයෙන් හෙළි වී තිබෙනවා.ඝාතකයාගේ කුරිරු බව යලි යලිත් සනාථ කරමින් සිරුර අසල තැබූ බෑගයක ඇගේ සිරුරින් ඉවත් කරගත් රුධිරයත් තබා ගොස් තිබූ බව පැවසෙනවා.
                                 මේ ආකාරයේම මරණයක් ලබා දිය යුතු වුණත් එම අපරාධයට වගකිව යුතු පුද්ගලයකු සොයා ගැනීමට ඇමරිකාව අපොහොසත් වනවා.කිසිඳු හෝඩුවාවක් නොමැතිව කාලය ගතවී යන අතරතුර දිනක් පොලිසියට ලිපියක් ලැබෙනවා.පොලිසිය විමතියට පත් කරමින් මෙය එවා තිබෙන්නේ තරුණියගේ ඝාතකයා විසිනුයි.කෙතරම් උත්සාහ කලත් කාන්තාව මරා දැමූ පුද්ගලයා සොයා ගැනීමට පොළිසියට හැකියාවක් නැති බවත් තමාම පැමිණ පොලිසියට භාරවන බවත් එහි සඳහන්ව තිබූ බව පැවසෙනවා.ඝාතනයක් සිදුකරලා සැඟවිලා ඉන්න හැකියාව තිබියදී අපරාධකරුවෙක් කරන මෙම ප්‍රකාශය නිසාම එම සිදුවීම පුවත්පත්වල පවා පලවන තරමටම ප්‍රසිද්ධියට පත් වනවා.
                                එකල පුවත්පත් මෙවන් සිදුවීම්වලදී සාමාන්‍යයෙන් අදාල පුද්ගලයාගේ සත්‍ය නම භාවිත කර නැහැ.ඒ නිසාම මෙම සිදුවීමට බඳුන්වන කාන්තාවගේ සත්‍ය නම " එළිසබත් ෂොට් " වුණත් ඔවුන් ඇය වෙනුවෙන් " බ්ලැක් ඩාලියා " නැත්නම් " බ්ලැක් දාලියා " කියන නම භාවිත කරන්නට කටයුතු කරනවා.ඇය නිතරම කලු පැහැයෙන් යුතු ඇඳුම් ඇඳීමත් , තද කලු පැහැති දිග කොන්ඩයත් මේ නම පටබැඳීමට හේතුවෙලා තිබුණා.
                                     කොහොම වුණත් අපරාධකරුවා නම් පොලිසියට භාර වෙලා නැහැ.කාලයකට පසු නිහැඬියාව බිඳ දමමින් මෙවර පොලිසියට ඝාතකයාගෙන් පාර්සලයක් ලැබෙනවා.එතුළ බ්ලැක් ඩාලියා භාවිත කළ මුදල් පසුම්බිය , රූපලාවණ්‍ය උපකරණ සහ ලිපිනයන් අඩංගු පොතකුත් තිබිලා තියනවා.මේ හරහා ලිපින පොතේ සටහන්ව තිබුණ පුද්ගලයකුගෙන් පොලිසිය ප්‍රශ්ණ කරනවා.සිනමා ශාලාවක් හිමි ඔහු බ්ලැක් ඩාලියා තමන්ගේ යහළුවකු බවත් ඇය මරා දැමීමේ අවශ්‍යතාවයක් නොමැති බවත් පවසනවා.ඔහුගේ පසුබිම සොයා බැලීමෙන් අනතුරුව ඔහු මෙම ඝාතනයට සම්බන්ධ නොමැති බවට පොලිසිය තහවුරු කර ගන්නවා. 
                                   ඉන් අනතුරුව පොලිසියේ සැකය ඇය ආශ්‍රය කළ පුද්ගලයකු වෙතයි.වෙනත් විවාහයක් තිබුණත් ඔහු බ්ලැක් ඩාලියා සමඟත් සබඳතාවයක් පවත්වා ගෙන ගොස් තිබුණා.සබඳතාවයක් තිබුණත් ඇය නොමැරූ බව ඔහු පැවසුවත් පොලිසිය එය පිළිගෙන තිබුණේ නැහැ.එයට හේතුව වෙලා තිබුණේ බ්ලැක් ඩාලියා අවසන්වරට මොහු සමඟ සිටීම.ඝාතනයට දවස් 06ට පෙර ඇය මොහුගේ වාහනයෙන් බැස යන ආකාරය කිහිප දෙනෙකුම දැක තිබුණා.මේ සැකය නිසාම පරීක්ෂණවලට යොදා ගන්නා එන්නතක් ලබා දීමෙන් පසුව ඔහුගෙන් ප්‍රශ්ණ කර තිබුණා.කෙසේවෙතත් එතනදී ඔහු නිවැරදි බවට සනාථ වී තිබෙනවා.
                                මීලඟට පොලිසිය ජෝර්ජ් නම් වෛද්‍යවරයෙක් පිළිබඳව සැක කරනවා.ඔහුගේ පසුබිම සොයා බැලීමේදී වෛද්‍යවරයා බ්ලැක් ඩාලියා සමඟ පමණක් නොව තවත් කාන්තාවන් බොහොමයක් සමඟ අනිසි සබඳතා තිබුණ බව හෙළිවනවා.සාක්ෂි ලබා දෙන ඔහුගේ පුතා මේක ඔහුගේ පියා කරන්න ඇති බව කියනවා.තමන්ගේ නිවසේ මුහුණ එතරම් පැහැදිලි නැති , නමුත් බ්ලැක් ඩාලියාගේ රූපයට සමාන ඡායාරූපයක් තිබුණ බවත් දැන් එය නොමැති බවත් වැඩි දුරටත් පවසනවා.ඩාලියාගේ සිරුරේ තිබුණ කැපුම් හැම එකක්ම වෛද්‍යවරයෙක් සැත්කමල් කරන ආකාරයට කපා තිබුණත් සාක්ෂි නොමැතිවීම නිසා පසුව ඔහු ඇමරිකානු අපරාධ අංශයෙන්ම සැකකරුවන්ගේ ලැයිස්තුවෙන් ඉවත් කරනවා.මේ විදිහට 350 දෙනෙකුගෙන් කට උත්තර ලබා ගත්තත් ඇමරිකානු අපරාධ අංශයට ඝාතකයා සොයා ගැනීමට හැකියාව ලැබෙන්නේ නැහැ.
                                මේ හැමදේකින්ම පස්සේ නැවතත් ඝාතකයාගෙන් ලිපියක් ලැබෙනවා.ඔහු පොලිසියට විශාල කාලයක් ලබා දුන්නත් ඔවුන්ට තමන්ව අත්අඩංගුවට ගැනීමට නොහැකි වුණ බවත් සඳහන් කර තිබුණා.ඒ වගේම තවත් වසර 10ට තමන්ව නොසොයන ලෙසත් අත්අඩංගුවට නොගන්නා ලෙසත් ඉල්ලීමක් කරන ඔහු වසර 10ට පසුව පැමිණ භාරවන බවත් සඳහන් කර තිබූ බව පැවසෙනවා.කෙසේවෙතත් වාර්තාවන ආකාරයට මෙම ඝාතකයා පොලිසිට භාරවීමක් හෝ පොලිසිය විසින් අත්අඩංගුවට ගැනීමක් පිළිබඳව වාර්තා වන්නේ නැහැ.මෙතරම් ම්ලේච්ඡ ආකාරයට කාන්තාවක් ඝාතනය කළ අපරාධකරු ඇමරිකාව වැනි රටකට සොයා ගැනීමට නොහැකි වීම සැබැවින්ම මවිතය දනවන්නක්.කෙසෙවෙතත් වසර ගණනාවක් ගතවී තිබුණත් මෙම ඝාතනය අදටත් හෙළි නොවූ අබිරහසක්ම පමණයි.

ගලේ ගහලත් මරන්න බැරි වුණ මිනිස්සු

 

                                   මරණය කියන්නේ අපි හැමෝම උපතේදීම දින ගණන් නියම කරගෙන පැමිණෙන , නමුත් එම කාලවකවානු නොදන්නා නියත උරුමයක්.මරණය මිනිසා කරා ලඟා වන ආකාරය පැහැදිලි කළ නොහැකි වුවත් රිය අනතුරු , හදිසි අනතුරු , විවිධ රෝගාබාධ ආදී නොයෙකුත් හේතු සාධක පාදක කරගෙන මරණය මිනිසා කරා ලඟා වනවා.කෙසේනමුත් පරාජය කළ නොහැකි මරණය පරාජය කරමින් ජීවිතය ලද පුද්ගලයන් පිළිබඳවත් විටින්විට වාර්තාවනවා.අද ලිපිය තුළින් අපි කතා කරන්නේ සිතා ගැනීමට පවා අපහසු එවන් අවස්ථාවලදී මරුවා පැරදවූ පුද්ගලයන් කිහිප දෙනෙකු පිළිබඳවයි.

                                 
අකුණුවලට අභියෝග කළ මිනිසා :-

                             ඇමරිකා එක්සත් ජනපදයේ " ෂෙනන්ඩු " ජාතික වනෝද්‍යානයේ ආරක්ෂකයෙක් වන " රෝයි ක්ලේව්ලට් " කියන්නේ ලෝකයේ වැඩිම වාර ගණනක් අකුණු පහරවල්වලට ලක්වුණ පුද්ගලයා ලෙස ගිනස් වාර්තා පොතට එක් වුණ අයෙක්.ඔහුට 07 වතාවක් අකුණු පහරවලට ගොදුරු වීමට සිදුවී තිබුණා.නමුත් මොහු මේ කිසිම අකුණකින් මරණයට පත් වෙලා නම් නැහැ.සාමාන්‍යයෙන් අකුණු පහරකට බඳුන්වන පුද්ගලයෙක් ක්ෂණික මරණයකට ගොදුරු වුවත් මෙතරම් අකුණු පහරවලට ලක්වීමෙනුත් මොහු මරණයට පත් නොවීම පුදුම සහගතයි.මෙය වාසනාව නම් හත් වතාවක්ම එකම ආකාරයේ අනතුරකින් ගැලවීම සිදුවිය හැකි දෙයක් නොවේ.එසේනම් මොහුගේ ඇති විශේෂත්වය කුමක්ද?අධි බලයකින් පොළවට පතිතවන අකුණක් දරා සිටීමට තරම් ඔහු තුළ සැඟවී ඇත්තේ මොනවාද?

අහසින් වැටිලත් බේරුණු කෙල්ලෙක් :-

                                  සාමාන්‍යයෙන් උසින් වැඩි ගොඩනැගිල්ලකින් ඇද වැටෙන පුද්ගලයකුට පවා නියත ලෙසම මරණය ලඟා වන බව රහසක් නොවේ.එවන් තත්ත්වයක් තුළ මිනිසකු අහසින් වැටුණහොත් මියගියා දැයි ඇසීම පවා විහිලුවක් වනවා.නමුත් එම තත්ත්වය වෙනස් කිරීමට පේරු රාජ්‍යයේ ලීමා නගරයේ සිට බ්‍රසීලය වෙත ගුවන් යානයකින් ගමන් කළ 17 වියැති " ජුලියන් කෝක් " සමත්වනවා.ගුවන් ගමන අතරතුර ඇතුවූ හදිසි කුණාටු තත්ත්වයක් හේතුවෙන් දරුණු අකුණු පහරකට ලක්වන මේ ගුවන් යානය අඩි 10,000ක් පමණ ඉහළ සිට ඇමර්සන් වනාන්තරයට කඩා වැටී තිබෙනවා.
                                 අනතුර හේතුවෙන් පාදවලට හානි සිදුවී තිබුණත් ඇය දින 11ක් වනාන්තරය තුළ තම ජීවිතය ආරක්ෂා කර ගැනීමටත් සමත්ව තිබෙනවා.එම කාලය තුළ ගස්වල කොළ වර්ග සහ අනතුරින් මියගිය පුද්ගලයකුගේ සාක්කුවෙන් සොයාගත් රසකැවිලි කිහිපයක් ඇයගේ ආහාරය වී තිබුණා.මේ අතරතුර ටිකෙන් ටික ඉදිරියට ගිය ඇය වනාන්තරයේ ඩිටි මිෂනාරිවරුන් දෙදෙනෙක් සොයා ගැනීමට සමත්වනවා.පසුව ඔවුන් බෝට්ටුවක් මගින් ඇයව රෝහලක් වෙත යොමු කිරීම නිසා ඇයගේ ජීවිතය දෙවන වරටත් ආරක්ෂාවනවා.ඇගේ මව ඇතුළු ගුවන් යානයේ ගමන් කළ 91 දෙනාටම මරණය ලඟා කළ මෙම දරුණු අනතුරෙන් ඇගේ දිවි රැකුනේ කෙසේද?

උල්කාපාතයක් ඇඟේ වැදිලත් බේරුණු කාන්තාව :-
                                   ඇමරිකානු ජාතික කාන්තාවක් වන " ඈන් එළිසබත් " 1954 නොවැම්බර් 30 ඇමරිකා එක්සත් ජනපදයේ ඇලබාමාවල ඕක්‍රෝ ප්‍රදේශයේ දී ඉතාම දුර්ලභ අනතුරකට මුහුණ පානවා.එදින දහවල් 2.56ට පමණ ඇගේ සිරුරට උල්කාපාත කැබැල්ලක් කඩා වැටෙනවා." සයිලකෝගා " ( Sylacauga ) නමින් නම් කෙරුණු මෙය කිලෝග්‍රෑම් 5 1/2ට වැඩි බරකින් යුක්ත වන බව පැවසෙනවා.මෙම උල්කාපාතය වර්තමානය වනවිටත් ඇමරිකා එක්සත් ජනපදයේ " නැෂනල් මියුසියම් ඔෆ් නැෂනල් හිස්ට්‍රි " කෞතුකාගාරයේ සුරැකිව තිබෙනවා.අභ්‍යාවකාශයේ සිට කඩා වැටුණු මෙතරම් බරැති උල්කාපාතයක් වැදීමෙන් පවා ඇගේ ජීවිතය හානියක් නොවුණේ කෙසේද?
                                සැබැවින්ම මෙතරම් ප්‍රබල අනතුරුවලින් පවා ඔවුන්ගේ ජීවිත ආරක්ෂා වුණේ කෙසේද?මෙය වාසනාව නම් වරින්වර අකුණු පහර ගණනාවකට ලක්වීමෙන් පවා ජීවිතය ආරක්ෂා වීමට රෝයි සතුව තිබුණේ කුමක්ද?ගලේ ගැසුවත් වේලාව පැමිණෙනතෙක් මරණයට පත් කරන්නට නොහැකි බවට සමාජයේ පවතින මතය සනාථ කරන මෙවන් සිදුවීම් අහඹු සිදුවීම්ද?වාසනාවද?නැතහොත් ඔවුන් තුළ පවතින යම්කිසි ශක්තියක්ද?